Kassaning asosiy ekrani
PIN-kod bilan kirgandan keyin kassa stollar sxemasi bilan asosiy ekranni ochadi. Har qanday buyurtma shu yerdan boshlanadi.
Skrinshotlar rus tilidagi interfeysda olingan, shuning uchun tugma nomlari ekrandagidek ruscha keltirilgan.
Asosiy ekran qismlari
- Buyurtma bo'limlari: «Столы» (zaldagi buyurtmalar), «С собой» (olib ketish) va «Доставка» (yetkazib berish).
- Stol filtrlari:
- «Все» — barcha stollar;
- «Открытые столы» — faqat ochiq buyurtmali stollar;
- «Мои заказы» — hozir kirgan xodimning buyurtmalari;
- zal nomi yozilgan yorliq (masalan, «Zal Main») — bitta zal stollari.
- Stol kartochkasi. «Стол свободен» yozuvi buyurtma yo'qligini bildiradi. Buyurtmani ochish uchun kartochkani bosing.
- Kassaga kirgan xodimning ismi.
- Smena menyusi (kesishgan asboblar): smenani ochish yoki yopish, tranzaksiyalar, smena hisoboti. Batafsil — Kassir smenasi: ochish va yopish.
- Qulf — kassani bloklaydi va boshlang'ich ekranga qaytaradi. Kassadan uzoqlashganda bosing.
- Boshqaruv menyusi (tishli g'ildirak): ma'lumotnomalar, hisobotlar, qarzlar, moliya va kassa sozlamalari. Batafsil — Kassa sozlamalari.
Ochiq buyurtmali stol kartochkasi
Stolda buyurtma bo'lsa, kartochkada buyurtma raqami, sana va vaqt, summa va ofitsiant ko'rinadi.
Kartochkada to'rtta tugma bor:
- Buyurtmani bekor qilish (qizil belgi). Kassa «Вы действительно хотите отменить заказ?» deb so'raydi.
- Buyurtmani yakunlash (sariq belgi). Kassa «Вы действительно хотите завершить заказ?» deb so'raydi.
- Oldindan chekni chop etish (printer) — to'lovdan oldin mehmonga hisob.
- Stolni almashtirish (strelkalar) — buyurtmani boshqa stolga o'tkazish.
Har biri haqida batafsil — Buyurtma bilan amallar.
Oldindan chek belgisi
Oldindan chek chop etilgandan keyin kartochkaning yuqori chap burchagida chek belgisi paydo bo'ladi. Undan mehmonga hisob berilgani ko'rinadi.
